2 июня 2026

Асіпаўчанка Аляксандра Ткачова ўдастоена спецыяльнай прэміі Магілёўскага аблвыканкама

Спецыяльнай прэміі Магілёўскага аблвыканкама ў сацыяльнай сферы ў 2026 годзе з прысуджэннем звання лаўрэата ў намінацыі «Культура і мастацтва» ўдастоена загадчык раённага цэнтра народных рамёстваў і дэкаратыўна-прыкладнога мастацтва Аляксандра Ткачова.

Аляксандра Канстанцінаўна — сапраўдная захавальніца народных традыцый. Пад яе кіраўніцтвам цэнтр стаў важнай пляцоўкай для захавання і развіцця культурнай спадчыны рэгіёна. Яна актыўна займаецца папулярызацыяй дэкаратыўна-прыкладнога мастацтва, праводзячы майстар-класы, выставы і тэматычныя мерапрыемствы, якія прыцягваюць увагу як мясцовых жыхароў, так і турыстаў. Таксама Аляксандра Ткачова надае асаблівую ўвагу падтрымцы высокага ўзроўню майстроў установы. На базе цэнтра пастаянна арганізоўваюцца курсы і трэнінгі для ўмельцаў з вобласці і рэспублікі, накіраваныя на абмен вопытам у сферы традыцыйных рамёстваў. Кіраўнік упэўнена, што перадача ведаў і вопыту — ключ да захавання культурнай спадчыны.

Агата Зіміна, osipovichi-region.by