26 августа 2011

Прыбытак з лесу і агародаў

Па інфармацыі райспажыўтаварыства, сёння вядзецца актыўная нарыхтоўка брусніц. Закупачная цана на гэтую ягаду складае 10 тысяч рублёў за кілаграм. Аднак яна можа мяняцца ў залежнасці ад попыту. Збор журавін пачнецца трошкі пазней.

Па інфармацыі райспажыўтаварыства, сёння вядзецца актыўная нарыхтоўка брусніц. Закупачная цана на гэтую ягаду складае 10 тысяч рублёў за кілаграм. Аднак яна можа мяняцца ў залежнасці ад попыту. Збор журавін пачнецца трошкі пазней.

Нарыхтоўка чарніц выйшла на завяршаючы этап. Сёлета ад насельніцтва закуплена 130,8 тоны гэтай карыснай ягады, што перавышае леташні паказчык на 82,7%. Цана на яе вагалася ў межах 10-22 тысяч — абсалютны рэкорд для дзікарослых ягад. Буякоў насельніцтва здало дзяржаве 600 кг. Іх закупачны кошт — 10-15 тысяч за кілаграм.

У гэтым годзе спажыўкааперацыя закупляла такія ягады, як суніцы садовыя і вішню, чаго раней не было. Першых было закуплена 0,6 тоны, другой — 0,9. Ужо закуплена ў насельніцтва 145,7 тоны яблыкаў новага ўраджаю. Зараз пераважна прымаюцца ападкі, якія ідуць на перапрацоўку. Цана — 500 рублёў за кілаграм. Таварныя яблыкі пойдуць пазней. Прычым нарыхтаваць іх трэба будзе больш за 560 тон.

Закуплена 600 кг чырвонай і 2,5 т чарнаплоднай рабіны. Працягваецца сезон нарыхтоўкі агародніны. Агуркоў нарыхтавана 24 тоны, з іх 12 — ад насельніцтва. 800 кілаграмаў пайшло на засолку, крыху больш за 2 тоны накіравана на Кіраўскі кансервавы завод, астатнія — у гандлёвыя кропкі. Капусты закуплена 41,5 тоны, ад насельніцтва — 32,8. Гэта на 35,6% больш, чым летась за аналагічны перыяд. Нарыхтоўваюцца таксама буракі (9,2 т), морква (15,3), цыбуля (19 т), з якіх насельніцтва здало звыш 4, 8 і 5 тон адпаведна. Гэтая прадукцыя паступае ў рознічны гандаль.

Поўным ходам ідзе і закупка бульбы. "Другога хлеба" ўжо закуплена каля 53 тон, у тым ліку ад насельніцтва — амаль 50.

Што тычыцца грыбоў, то гэтае лета на іх не надта багатае. Аднак насельніцтва ўсё ж здае ў райста лісічкі, па цане ад 10 да 15 тысяч. Іх ужо прынята звыш паўтоны. На чарзе асеннія грыбы.