16.12.2020

Вытворчасць сельгаспрадукцыі ў Беларусі ў студзені-лістападзе вырасла на 4,9 працэнта

Вытворчасць прадукцыі сельскай гаспадаркі ў гаспадарках усіх катэгорый (сельскагаспадарчых арганізацыях, сялянскіх (фермерскіх) гаспадарках, гаспадарках насельніцтва) у студзені-лістападзе 2020 года склала Br21,7 млрд і павялічылася ў параўнанні з аналагічным перыядам 2019-га ў супастаўных цэнах на 4,9 працэнта, паведамілі БЕЛТА ў Нацыянальным статыстычным камітэце.

У сельскагаспадарчых арганізацыях выраблена прадукцыі на Br18 млрд, або ў супастаўных цэнах на 7,1 працэнта больш, чым у адпаведным перыядзе папярэдняга года.

У гаспадарках усіх катэгорый атрымана амаль 1,7 млн т жывёлы і птушкі ў жывой вазе, што на 3 працэнты больш, чым у студзені-лістападзе 2019 года, у тым ліку ў сельгасарганізацыях - 1,631 млн т (на 3,5 працэнта больш). Малака атрымана 7,138 млн т (на 5,1 працэнта больш), у тым ліку ў сельгасарганізацыях - 6,895 млн т (на 5,7 працэнта больш).

На 1 снежня ў сельскагаспадарчых арганізацыях налічвалася 4,2 млн галоў буйной рагатай жывёлы (99,95 працэнта да ўзроўню на аналагічную дату 2019 года), у тым ліку кароў - 1,4 млн галоў (на 0,1 працэнта больш). Колькасць свіней склала 2,6 млн галоў, што на 2 працэнты больш, чым на адпаведную дату папярэдняга года.

У бягучым годзе сельскагаспадарчыя арганізацыі нарыхтавалі 14,4 млн т адзінак кармоў, што на 16,8 працэнта больш, чым у 2019 годзе, з іх кармоў з траў - 9,8 млн т (на 14,9 працэнта больш). У разліку на ўмоўную галаву для грамадскага пагалоўя жывёлы нарыхтавана 34,7 ц кармавых адзінак (у 2019 годзе - 28,7 ц), з іх кармоў з траў - 30,9 ц (у 2019 годзе - 26,9 ц).