16.05.2023

У Беларусі ўнясуць комплексныя карэкціроўкі ў заканадаўства аб дзяржрэгістрацыі нерухомай маёмасці

У Беларусі ўнясуць комплексныя карэкціроўкі ў заканадаўства аб дзяржаўнай рэгістрацыі нерухомай маёмасці. Аб гэтым заявіў 15 мая генеральны дырэктар Нацыянальнага кадастравага агенцтва Міхаіл Хіль у прэс-цэнтры БЕЛТА.

"Мы ўдзельнічаем у нарматворчым працэсе. Сёння адным са знакавых з'яўляецца законапраект аб унясенні змяненняў у закон "Аб дзяржаўнай рэгістрацыі нерухомай маёмасці, правоў на яе і здзелак з ёй". У бліжэйшы час ён будзе ўнесены на разгляд у парламент. Мы ўдзельнічалі ў яго падрыхтоўцы. З улікам правапрымяняльнай практыкі паспрабавалі максімальна рэалізаваць прапановы і падыходы, якія выпрацавалі на сённяшні дзень з пункту гледжання развіцця нашай рэсурснай базы і цэнтралізацыі рэсурсаў. Падрыхтаваны комплексныя карэкціроўкі. Праект закона атрымаўся даволі аб'ёмным", - сказаў Міхаіл Хіль.

Ён таксама ўдакладніў, што пры распрацоўцы законапраекта ставілася мэта зняць усе праблемныя пытанні, звязаныя з правапрымяняльнай практыкай, спрасціць працэсы рэгістрацыі. Акрамя таго, сярод навацый - экстэрытарыяльны прынцып дзяржаўнай рэгістрацыі. "У грамадзян будзе магчымасць, не выязджаючы за межы горада, зарэгістраваць той жа домік у вёсцы", - дадаў гендырэктар Нацыянальнага кадастравага агенцтва.