12.08.2021

У Беларусі павялічаны грашовыя нормы расходаў на дзяржзабеспячэнне дзяцей-сірот

Урад унёс змяненні ў дзяржаўнае забеспячэнне дзяцей-сірот, дзяцей, якія засталіся без апекі бацькоў, а таксама ўтрыманне дзяцей у сацыяльна-педагагічных цэнтрах, спецыяльных навучальна-выхаваўчых установах, спецыяльных лячэбна-выхаваўчых установах, прыёмніках-размеркавальніках для непаўналетніх. Гэта прадугледжана пастановай Савета Міністраў ад 6 жніўня 2021 года нумар 452, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.

Згодна з дакументам, норма забеспячэння камплектам адзення, абутку, мяккага інвентару і абсталявання павялічана з Br1280,8 да Br1408,9. Адпаведным чынам павышаны і іншыя нарматывы, прадугледжаныя пастановай.

Таксама павялічаны нормы расходаў дзяржавы на ўтрыманне дзяцей, якія знаходзяцца на дзяржаўным забеспячэнні, якія падлягаюць пакрыццю ў даход бюджэту.

Пастанова ўступае ў сілу пасля яе афіцыйнага апублікавання.

БелТА