17.09.2020

У Беларусі пашыраюць выкарыстанне беспілотнікаў у народнай гаспадарцы

Арганізацыі кластара "Галаўны рэспубліканскі цэнтр беспілотнай тэхнікі" Нацыянальнай акадэміі навук уключаны ў пералік юрыдычных асоб, якім дазволена выкарыстоўваць у камерцыйных мэтах паветраныя судны, што ўваходзяць у склад беспілотных авіяцыйных комплексаў, для выканання авіяработ. Адпаведнае распараджэнне 16 верасня падпісаў Прэзідэнт Беларусі Аляксандр Лукашэнка, паведамілі БЕЛТА ў прэс-службе кіраўніка дзяржавы.

Гэта рашэнне будзе садзейнічаць пашырэнню выкарыстання беспілотных авіякомплексаў у розных галінах народнай гаспадаркі і росту экспарту паслуг, якія аказваюцца з прымяненнем беспілотнікаў.