23.12.2025

У Беларусі падрыхтавалі рэкамендацыі па выкарыстанні аб'ектаў гісторыка-культурнай спадчыны ў экскурсіях

Нацыянальнае агенцтва па турызме падрыхтавала метадычныя рэкамендацыі па выкарыстанні аб'ектаў гісторыка-культурнай спадчыны ў экскурсіях. Інфармацыя размешчана на сайце ўстановы, паведамляе БЕЛТА.

Матэрыялы прызначаны для спецыялістаў экскурсійнай справы, якія займаюцца распрацоўкай і правядзеннем экскурсій, студэнтаў турысцкіх спецыяльнасцей. У іх выкладзены тэарэтычныя і практычныя аспекты вывучэння і выкарыстання гісторыка-культурных аб'ектаў у экскурсіях рознай тэматыкі, асаблівасці методыкі і тэхнікі іх паказу.

У дапаможніку прадстаўлены кантрольны тэкст і тэхналагічная карта мастацтвазнаўчай экскурсіі "Муралы на вул.Кастрычніцкай", распрацаванай як узор практычнага выкарыстання аб'ектаў гісторыка-культурнай спадчыны ў экскурсіях.

У дадатку прыведзены даныя, якімі можна карыстацца ў практычнай рабоце пры распрацоўцы экскурсій і падрыхтоўцы да іх правядзення: гласарый архітэктурных тэрмінаў, асноўныя асаблівасці і ключавыя рысы архітэктурных стыляў і іх візуалізацыя.

Выкарыстаны прыклады з кантрольных тэкстаў экскурсій Нацыянальнага агенцтва па турызме і аўтара рэкамендацый.

"Гэта каштоўны рэсурс для ўсіх, хто цікавіцца гісторыка-культурным турызмам у Беларусі: тураператараў, экскурсаводаў, прадпрыемстваў і саміх турыстаў", - расказалі ў Нацыянальным агенцтве.

БелТА