24.06.2025

У Беларусі нарыхтавана звыш 85 працэнтаў траў першага ўкосу

Аграрыі рэспублікі правялі першы ўкос траў на плошчы амаль 1,2 млн га, што эквівалентна 85,1 працэнта ад запланаванага. Колькі травяных кармоў нарыхтавалі работнікі аграпрамысловага комплексу краіны, карэспандэнт БЕЛТА пацікавілася ў Міністэрстве сельскай гаспадаркі і харчавання.

Нарыхтоўка кармоў для жывёлы рухаецца дынамічна. Паводле актуальных даных, убраны з палёў травы першага ўкосу на плошчы больш як 1 млн га, што складае 90,5 працэнта да скошанага. У Брэсцкай і Мінскай абласцях касавіцу ўжо завяршылі, у Гродзенскай вобласці, дзе скошана 95,7 працэнта траў, яна набліжаецца да фінішу, яшчэ ў дзвюх абласцях набірае абароты: у Магілёўскай вобласці першы ўкос траў выкананы на 80,9 працэнта плошчаў, у Гомельскай - на 73,3 працэнта. Работнікі аграпрамысловага комплексу Віцебскай вобласці скасілі травы на 49,6 працэнта запланаваных плошчаў.

Нарыхтавана таксама звыш 5,6 млн т сенажу - 40,3 працэнта да плана (у тым ліку ў палімернай упакоўцы 118,4 тыс.т), 36,6 тыс. т сена - 5,07 працэнта да плана і 211,7 тыс. т сіласу - 1,02 працэнта.

Прадаўжаюць гаспадаркі, акрамя таго, праводзіць вапнаванне кіслых глеб, паколькі даламітавая мука неабходна для нейтралізацыі залішняй кіслотнасці і падтрымання аптымальнага глебавага асяроддзя. Работы выкананы на 42,3 працэнта ад плана.

БелТА