13.01.2023

МАРГ змяніў цану на газ для запраўкі малалітражных балонаў

Міністэрства антыманапольнага рэгулявання і гандлю скарэкціравала цану на газ звадкаваны, які рэалізуецца насельніцтву ў балонах. Гэта прадугледжана пастановай ведамства ад 5 студзеня 2023 года нумар 2, паведамляе БЕЛТА са спасылкай на Нацыянальны прававы інтэрнэт-партал.

Цана за 1 кг газу для запраўкі газавых балонаў аб'ёмам 1 л (0,4 кг), 5 л (2 кг), 12 л (5 кг), 27 л (11,4 кг) складзе Br1,43 (на сённяшні дзень - Br1,37).

"Змяненне цаны на газ для запраўкі ў малалітражныя балоны праводзіцца штогод у планавым парадку і абумоўлена кампенсацыяй газазабеспячальным арганізацыям росту кошту набываемага газу", - растлумачылі ў Міністэрстве антыманапольнага рэгулявання і гандлю.

Пастанова ўступіць у сілу пасля яе афіцыйнага апублікавання.