09.07.2021

Экспарт беларускай сельгаспрадукцыі ў студзені-маі вырас на 11,3 працэнта

Экспарт беларускіх харчовых тавараў і сельскагаспадарчай сыравіны за студзень - май 2021 года вырас на 11,3 працэнта, за мяжу пастаўлена тавараў на суму амаль $2,5 млрд, паведамілі БЕЛТА ў прэс-службе Міністэрства сельскай гаспадаркі і харчавання.

Беларускія прадукты харчавання ў студзені-маі пастаўляліся ў 93 краіны свету. "Павелічэнне паставак назіралася практычна па ўсіх рэгіёнах. Экспарт у краіны СНД, уключаючы Расійскую Федэрацыю, павялічыўся на 6,2 працэнта, у краіны Азіі і Акіяніі - на 58,5 працэнта, ЕС - на 45,7 працэнта, Амерыкі і Карыбскага басейна - на 85,7 працэнта, краіны Афрыкі - на 25 працэнтаў. Экспарт прадуктаў харчавання ў КНР вырас на 52,6 працэнта. У цэлым пастаўкі ў краіны далёкага замежжа ў параўнанні з адпаведным перыядам 2020 года павялічыліся на 53,3 працэнта", - расказалі ў прэс-службе.

Экспарт малака і малакапрадуктаў вырас на 9,4 працэнта, ялавічыны - на 8,3 працэнта, каўбасных вырабаў - на 33,6 працэнта, рыбы і рыбнай прадукцыі - на 23,2 працэнта, яек - на 45 працэнтаў, бульбы - на 11,9 працэнта, рапсавага алею - на 83 працэнты.

БелТА