21.02.2023

Дэпутаты разгледзяць у першым чытанні законапраект па пытаннях сацыяльнага абслугоўвання

Пасяджэнне дзявятай сесіі Палаты прадстаўнікоў Нацыянальнага сходу Рэспублікі Беларусь сёмага склікання адбудзецца 21 лютага. Аб гэтым БЕЛТА паведамілі ў прэс-службе Палаты прадстаўнікоў.

У першым чытанні плануецца разгледзець праекты законаў "Аб змяненні законаў па пытаннях сацыяльнага абслугоўвання", "Аб змяненні законаў па пытаннях дзяржаўнай экалагічнай экспертызы, стратэгічнай экалагічнай ацэнкі і ацэнкі ўздзеяння на навакольнае асяроддзе", "Аб змяненні Закона Рэспублікі Беларусь "Аб ахове атмасфернага паветра".

У другім чытанні будзе разгледжаны законапраект "Аб змяненні кодэксаў па пытаннях крымінальнай адказнасці".

Акрамя таго, у адным чытанні плануецца разгледзець праекты законаў "Аб ратыфікацыі Пагаднення паміж Рэспублікай Беларусь і Расійскай Федэрацыяй аб узаемным прызнанні і выкананні рашэнняў па справах аб адміністрацыйных правапарушэннях у галіне дарожнага руху", "Аб ратыфікацыі Пагаднення паміж Урадам Рэспублікі Беларусь і Урадам Кітайскай Народнай Рэспублікі аб супрацоўніцтве ў барацьбе са злачыннасцю", "Аб ратыфікацыі Пагаднення аб супрацоўніцтве дзяржаў - удзельніц Садружнасці Незалежных Дзяржаў у процідзеянні карупцыі".