20.04.2022

Больш за 36 млн дрэў высадзілі ў Беларусі ў час Тыдня лесу

У Беларусі ў час Тыдня лесу высаджана больш за 36 млн дрэў, паведамілі БЕЛТА ў прэс-службе Міністэрства лясной гаспадаркі.

Паводле інфармацыі ведамства, у акцыі прынялі ўдзел каля 66,5 тыс. чалавек. "Лідарам па колькасці прынятых валанцёраў чакана стала Мінская вобласць, дзе працавалі 16 389 чалавек. Найбольшая колькасць дрэў - 17,196 млн - высаджана ў Гомельскай вобласці.

У час правядзення акцыі работы былі арганізаваны на больш як 3,1 тыс. аб'ектаў. Акрамя пасадкі лесу валанцёры займаліся прыбіраннем смецця і захламленасці (з ляснога фонду вывезена 3,3 тыс. куб.м), стварэннем памятных алей (іх створана 70), падрыхтоўкай месцаў масавага адпачынку да летняга сезона (140 аб'ектаў). З улікам таго, што акцыя была прысвечана Году гістарычнай памяці, добраахвотнікі таксама добраўпарадкавалі месцы воінскіх пахаванняў, размешчаныя на тэрыторыі ляснога фонду.

Рэспубліканская добраахвотная акцыя "Тыдзень лесу" праводзілася па ініцыятыве Міністэрства лясной гаспадаркі з 9 па 16 красавіка. Мерапрыемства прайшло ў Беларусі 15-ы раз.

БелТА