15.08.2023

Беларусь стала лідарам па росце прамвытворчасці ў ЕАЭС

Беларусь стала лідарам па росце прамысловай вытворчасці ў Еўразійскім эканамічным саюзе ў I паўгоддзі бягучага года. Аб гэтым сведчаць даныя, прадстаўленыя БЕЛТА ў прэс-службе Еўразійскай эканамічнай камісіі.

"Рост прамысловай вытворчасці назіраўся ва ўсіх дзяржавах-членах: у Беларусі - на 6 працэнтаў, Казахстане - на 3,8 працэнта, Расіі - на 2,6 працэнта, Арменіі - на 1 працэнт і Кыргызстане - на 0,4 працэнта", - канстатавалі ў ЕЭК.

У цэлым у студзені-чэрвені 2023 года вытворчасць прамысловай прадукцыі ў Еўразійскім эканамічным саюзе склала 102,8 працэнта да ўзроўню студзеня-чэрвеня 2022 года. Аб'ём вытворчасці ў апрацоўчай прамысловасці ў ЕАЭС павялічыўся на 6,1 працэнта; знізіўся - у горназдабыўной прамысловасці і распрацоўцы кар'ераў - на 0,6 працэнта, водазабеспячэнні, каналізацыйнай сістэме, кантролі над зборам і размеркаваннем адходаў - на 5,3 працэнта. У электразабеспячэнні, падачы газу, пары і паветраным кандыцыянаванні - застаўся на ўзроўні студзеня-чэрвеня 2022 года.