27.07.2023

Беларуска-ўзбекскі жаночы бізнес-форум запланаваны на пачатак верасня

Беларуска-ўзбекскі жаночы бізнес-форум запланаваны на пачатак верасня. Аб гэтым паведаміла старшыня Савета Рэспублікі Наталля Качанава, перадае карэспандэнт БЕЛТА.

Сёння ў Савеце Рэспублікі пад кіраўніцтвам Наталлі Качанавай праходзіць нарада па пытанні падрыхтоўкі Беларуска-ўзбекскага жаночага бізнес-форуму. У мерапрыемстве прымаюць удзел члены Прэзідыума Савета Рэспублікі, кіраўнікі рэспубліканскіх органаў дзяржаўнага кіравання, устаноў і арганізацый.

"Па ініцыятыве ўзбекскага боку было прапанавана правесці Беларуска-ўзбекскі жаночы бізнес-форум, які адбудзецца ў пачатку верасня бягучага года. Разлічваем, што ў гэтыя дні адбудзецца і афіцыйны візіт маёй калегі - старшыні Сената Олій Мажліса Рэспублікі Узбекістан Танзілы Нарбаевай", - адзначыла Наталля Качанава.

Як чакаецца, у ходзе нарады будзе разгледжана праграма форуму, падрыхтоўка пасяджэнняў шасці тэматычных секцый, пленарнага пасяджэння, выстаўкі, пытанні размяшчэння ўдзельнікаў і іх транспартнага абслугоўвання, а таксама асвятленне мерапрыемства ў СМІ.