12.10.2021

Беларусь у студзені-жніўні павялічыла экспарт тавараў і паслуг да $30,4 млрд

Беларусь у студзені - жніўні 2021 года павялічыла экспарт тавараў і паслуг у параўнанні з аналагічным перыядам 2020-га на 32,2 працэнта да $30,4 млрд. Аб гэтым сведчаць даныя, апублікаваныя на сайце Нацыянальнага банка, паведамляе БЕЛТА.

Знешнегандлёвы абарот тавараў і паслуг за восем месяцаў склаў $58,482 млрд, што на 30,6 працэнта больш, чым за аналагічны перыяд 2020 года. У тым ліку імпарт склаў $28,077 млрд (рост на 28,9 працэнта). Дадатнае сальда знешняга гандлю таварамі і паслугамі склалася на ўзроўні $2,328 млрд (у студзені - жніўні 2020-га сальда таксама было дадатным - $1,231 млрд).

Знешнегандлёвы абарот тавараў вырас на 33,1 працэнта да $48,316 млрд. Экспарт тавараў павялічыўся на 36,2 працэнта да $23,87 млрд, імпарт - на 30,2 працэнта да $24,446 млрд. Сальда склалася адмоўнае ў памеры $576,1 млн (у студзені - жніўні 2020 года яно таксама было адмоўным і складала $1,249 млрд).

Знешнегандлёвы абарот паслуг вырас на 19,8 працэнта да $10,165 млрд. Экспарт паслуг павялічыўся на 19,2 працэнта да $6,535 млрд, імпарт - на 20,9 працэнта да $3,63 млрд. Сальда знешняга гандлю паслугамі склалася дадатнае ў памеры $2,904 млрд (у студзені - жніўні 2020 года дадатнае сальда складала $2,48 млрд).

БелТА