25.04.2022

Беларусь і Рэспубліка Чувашыя абмеркавалі супрацоўніцтва ў сферы лічбавізацыі і ІТ-тэхналогій

Беларусь і Рэспубліка Чувашыя абмеркавалі супрацоўніцтва ў сферы лічбавізацыі і ІТ-тэхналогій, паведамілі БЕЛТА ў прэс-службе Міністэрства сувязі і інфарматызацыі.

Першы намеснік міністра сувязі і інфарматызацыі Павел Ткач прыняў удзел у пасяджэнні пашыранай рабочай групы з кабінетам міністраў Чувашскай Рэспублікі ў час візіту Надзвычайнага і Паўнамоцнага Пасла Беларусі ў Расіі Уладзіміра Сямашкі ў рэгіён РФ. Намеснік міністра выступіў з дакладам аб супрацоўніцтве дзвюх краін у сферы лічбавізацыі і ІТ-тэхналогій. У час сустрэчы з міністрам лічбавага развіцця, інфармацыйнай палітыкі і масавых камунікацый Рэспублікі Чувашыя Хрысцінай Майнінай на парадку дня стаялі пытанні супрацоўніцтва ў гэтых напрамках.

З 2020 года на міністра сувязі і інфарматызацыі ўскладзена персанальная адказнасць за пашырэнне нацыянальных інтарэсаў Беларусі ў Рэспубліцы Чувашыя і актывізацыю двухбаковых адносін. Кіраўнік Мінсувязі - кіраўнік беларускай часткі сумеснай рабочай групы па развіцці і каардынацыі супрацоўніцтва з гэтым расійскім рэгіёнам.

У студзені - лютым 2022 года тавараабарот Беларусі з Рэспублікай Чувашыя склаў $15,6 млн. Сальда дадатнае - $7,6 млн. Аснову экспарту склалі пастаўкі спецыфічных тавараў: інсектыцыдаў, фунгіцыдаў, гербіцыдаў, дэзынфіцыруючых сродкаў, лекавых сродкаў для рознічнага продажу, паверхнева-актыўных рэчываў, сродкаў для мыцця і чысткі, драўняна-валакністых пліт, электрычных трансфарматараў, крухмалу, прылад да станкоў, асновавязаных палоцен, а таксама прылад для аўтамабіляў і трактароў.

БелТА