30.12.2021

Беларусь і Расія дамовіліся аб кааперацыі ў авіябудаванні

Беларусь і Расія дамовіліся аб кааперацыі ў авіябудаванні. Аб гэтым было заяўлена на афіцыйнай частцы сустрэчы прэзідэнтаў Аляксандра Лукашэнкі і Уладзіміра Пуціна ў Санкт-Пецярбургу, перадае карэспандэнт БЕЛТА.

"Мы дамовіліся, ужо можна сказаць. Дзякуй зноў жа, што вы падтрымалі кааперацыю ў авіябудаванні. У нас ёсць і цывільныя, і ваенныя заводы па авія. Мы вельмі многае можам рабіць па кааперацыі. Тым больш, яны запатрабаваны для расійскага авіябудавання", - заявіў Прэзідэнт Беларусі.

"Абсалютна, - згадзіўся Уладзімір Пуцін. - Гэта будзе па выніках нашай сустрэчы яшчэ адно з даручэнняў ураду".

БелТА