19.09.2025

Беларусь і Ізраіль узгаднілі планы ў ключавых галінах супрацоўніцтва

Надзвычайны і Паўнамоцны Пасол Рэспублікі Беларусь у Ізраілі Юрый Ярашэвіч 18 верасня сустрэўся з намеснікам генеральнага дырэктара МЗС Ізраіля па справах Еўразіі Ювалем Фуксам, паведамляе БЕЛТА са спасылкай на беларускае знешнепалітычнае ведамства.

Бакі абмеркавалі актуальны стан беларуска-ізраільскіх адносін і ўдакладнілі планы на бліжэйшую, сярэднетэрміновую перспектыву ў ключавых галінах супрацоўніцтва. Акрамя таго, адбыўся абмен думкамі аб сітуацыі ў рэгіёне Блізкага Усходу.

Ізраільскі бок адзначыў значныя намаганні беларускай дзяржавы па захаванні яўрэйскай гістарычнай і культурнай спадчыны, сярод якіх рашэнне аб стварэнні ў Навагрудку музея халакосту і супраціўлення.

БелТА