02.04.2024

Базавая арэндная велічыня ў Беларусі вырасла з 1 красавіка

Базавая арэндная велічыня з 1 красавіка вырасла да Br17,76. Гэта прадугледжана пастановай Савета Міністраў ад 21 сакавіка нумар 200, паведамляе БЕЛТА.

Раней базавая арэндная велічыня складала Br16,9.

На падставе базавай арэнднай велічыні вызначаецца памер арэнднай платы пры здачы ў арэнду нерухомай маёмасці, якая знаходзіцца ў дзяржуласнасці і ўласнасці гаспадарчых таварыстваў. Яе памер устанаўліваецца з улікам змянення спажывецкіх цэн за мінулы год адносна папярэдняга і прымяняецца з 1 красавіка года, у якім ён устаноўлены.

БелТА