24.05.2023

Алейнік: Беларусь будзе падтрымліваць набраны тэмп па выкананні Парадку дня - 2030

Міністр замежных спраў Беларусі Сяргей Алейнік 23 мая сустрэўся з пастаянным каардынатарам ААН у Рэспубліцы Беларусь Іааннай Казана-Вішнявецкі з нагоды завяршэння ёю сваёй місіі ў Рэспубліцы Беларусь. Аб гэтым БЕЛТА паведамілі ў прэс-службе МЗС.

Сяргей Алейнік падзякаваў Іаанне Казана-Вішнявецкі за актыўную работу на пасадзе пастаяннага каардынатара ААН у Беларусі і пажадаў далейшых поспехаў у прафесійнай дзейнасці, а таксама выказаў надзею на захаванне пераемнасці пазітыўных дасягненняў краінавай каманды ААН у Беларусі.

У ходзе сустрэчы бакі адзначылі высокі ўзровень узаемадзеяння Беларусі з Арганізацыяй Аб'яднаных Нацый і яе асноўнымі агенцтвамі і фондамі, у першую чаргу ў галіне рэалізацыі сумесных праектаў і праграм у галіне ўстойлівага развіцця, а таксама абмяняліся меркаваннямі аб выніках і перспектывах дзейнасці Прадстаўніцтва ААН у Рэспубліцы Беларусь.

Міністр замежных спраў пацвердзіў прынцыповы намер Рэспублікі Беларусь падтрымліваць набраны тэмп па выкананні краінай Парадку дня - 2030 да намечанага тэрміну, нягледзячы на шэраг негатыўных тэндэнцый у шматбаковым парадку дня, якія пагражаюць дасягненню Мэт устойлівага развіцця дзяржавамі свету, уключаючы палітыку санкцый і аднабаковых прымусовых мер.