11.04.2025

Заўтра - рэспубліканскі суботнік

На падставе пастановы Савета Міністраў Рэспублікі Беларусь № 194 "Аб правядзенні рэспубліканскага суботніка ў 2025 годзе" ад 1 красавіка 2025 года Асіповіцкі раённы выканаўчы камітэт вырашыў правесці 12 красавіка 2025 г. на добраахвотнай аснове рэспубліканскі суботнік.

Суботнік можа быць праведзены на працоўных месцах або яго ўдзельнікі могуць працаваць на добраўпарадкаванні знакавых аб'ектаў, мемарыяльных комплексаў, месцаў баявой і воінскай славы, пахаванняў воінаў і партызан часоў Вялікай Айчыннай вайны, дзіцячых аздараўленчых лагераў. А пры спрыяльным надвор'і - азеляненні і добраўпарадкаванні населеных пунктаў.

Грашовыя сродкі, заробленыя ў дзень правядзення рэспубліканскага суботніка, будуць накіраваны на будаўніцтва Нацыянальнага гістарычнага музея Беларусі.