30.05.2025

Выхаванцаў Асіповіцкай спецшколы-інтэрната павіншавалі з надыходзячым Міжнародным днём абароны дзяцей

Сёння ўстанову па даўняй традыцыі наведалі супрацоўнікі Дэпартамента аховы на чале з намеснікам начальніка Дэпартамента аховы, начальнікам упраўлення ідэалагічнай работы і кадравага забеспячэння Анатолем Сафановічам, начальнікам Магілёўскага ўпраўлення Дэпартамента аховы Ігарам Драчовым і старшынёй раённай арганізацыйнай структуры ДТСААФ Юрыем Сугаковым.

Госці прынялі ўдзел ва ўрачыстай лінейцы, прысвечанай заканчэнню навучальнага года, разам з дырэктарам Таццянай Яфімовіч і педагогамі ўручылі пасведчанні аб адукацыі выпускнікам і граматы і дыпломы навучэнцам, якія вызначыліся. Не засталася без падарункаў і школа: Анатоль Міхайлавіч уручыў установе падарункавы сертыфікат.

Ахоўнікі падрыхтавалі для дзяцей сапраўднае свята дзяцінства, усмешак і яркіх эмоцый: хлопцы сталі ўдзельнікамі сапраўднай казачнай феерыі і чароўнага шоу мыльных бурбалак.

osipovichi-region.by