09.12.2025

УНС: курс на стабільнасць

Асіпаўчане разам з усёй краінай жывуць чаканнем другога пасяджэння VII Усебеларускага народнага сходу, да якога засталося менш за дзесяць дзён — пройдзе яно ў Мінску 18 - 19 снежня.

Пацікавіліся ў нашых землякоў, чаго яны чакаюць ад гэтага маштабнага форуму.

Мікалай Яромаў, старшыня Дрычынскага сельвыканкама:

— Усім складам сельсавета з цікавасцю глядзім трансляцыю Усебеларускага народнага сходу, на якім распрацоўваецца і зацвярджаецца Праграма развіцця нашай рэспублікі на пяцігодку.

Мяне, як кіраўніка самага нешматлікага сельсавета, хвалюе перш за ўсё наяўнасць працоўных месцаў для працаздольнага насельніцтва, функцыянаванне ўсёй інфраструктуры: школы, амбулаторыі ўрача агульнай практыкі, паштовага аддзялення, магазінаў, комплексна-прыёмнага пункта КБА, праца аўталавак для абслугоўвання малых населеных пунктаў.

Чакаю, што новая праграма сацыяльна-эканамічнага развіцця Беларусі на бліжэйшую пяцігодку дасць магчымасць стварыць трывалую базу для мэтанакіраванага развіцця ва ўсіх сферах, што будуць прымацца меры па развіцці вёскі. Бо калі будзе стабільнасць на сяле - будзе стабільнасць і ў рэспубліцы.

Наталля Мельнік, загадчык Радуціцкага сельскага клуба:

— Пасяджэнне Усебеларускага сходу - чакаемая падзея для кожнага беларуса. Я чакаю яго пачатку з асаблівым хваляваннем, бо ў ім прыме ўдзел і мая дачка Надзея Мельнік. Ганаруся тым, што ёй даверылі такую місію - прадстаўляць свой раён на важным форуме.

Позва сходу ўжо зацверджаная. У першы дзень будзе заслуханы зварот Прэзідэнта з пасланнем беларускаму народу і парламенту. У другi запланавана зацвярджэнне Праграмы сацыяльна-эканамічнага развіцця Беларусі на 2026-2030 гады, у абмеркаванне якой будуць уцягнутыя ўсе дэлегаты. Спадзяюся, прыярытэтам новай праграмы застанецца чалавек, яго жыццё, праца і высокая якасць жыцця насельніцтва. Гэта вельмі важна для ўсіх. Бо наша дзяржава па праве лічыцца сацыяльна арыентаванай.

На Усебеларускім народным сходзе па традыцыі надаецца ўвага ўсім галінам, у ліку якіх і культура, у сферы якой я працую. Сёння можна канстатаваць, што дзяржавай шмат робіцца ў гэтым напрамку. А мы, у сваю чаргу, стараемся прыкласці ўсе намаганні, каб зрабіць жыццё нашага насельніцтва весялей, цікавей, рознабаковей, праводзячы для жыхароў вёскі розныя мерапрыемствы, клапоцячыся аб захаванні культурнай спадчыны.

Ігар Петух, кіраўнік па ваенна-патрыятычнаму выхаванню СШ № 3:

— Упэўнены, што на Усебеларускім народным сходзе будзе нададзена ўвага і патрыятычнаму выхаванню моладзі. Яно зараз на ўздыме, і гэта прыемна бачыць, тым больш што 2025-ы — год 80-годдзя Вялікай Перамогі, а наступны год адзначыцца 85-й гадавінай пачатку Вялікай Айчыннай вайны.

Юнае пакаленне павінна бачыць і разумець, што адбываецца ў свеце, перажываць за будучыню сваёй краіны. Пра тое, што нашы землякі цікавяцца гісторыяй, сведчыць у тым ліку і тое, што ў адкрыты сёлета Музей Славы Магілёўшчыны, а таксама Музей гісторыі Вялікай Айчыннай вайны чарга распісана на месяцы наперад. Падчас экскурсій дзеці заўсёды з цікавасцю вывучаюць экспазіцыі. На жаль, не ўсе могуць паехаць у іншы горад, у сувязі з чым хацелася б, каб працавалі і перасоўныя выставы.

Нядрэнна было б і падняць статус школьнага кіраўніка па ваенна-патрыятычным выхаванні, прыраўняўшы яго да пасады намесніка дырэктара, каб больш поўна ўключыць у жыццё ўстановы адукацыі і разгрузіць іншых прадстаўнікоў адміністрацыі.

Актуальным застаецца і пытанне працягласці адпачынкаў асобных катэгорый педагагічных работнікаў, напрыклад педагогаў дадатковай адукацыі, метадыстаў аддзелаў па адукацыі.

Яшчэ хацелася б павысіць турыстычную прывабнасць нашага рэгіёна. Паглядзець у нас ёсць што, часта не хапае элементарнага — транспарту. Хлопцы павінны ведаць свой раён, бо менавіта з гэтага пачынаецца фарміраванне любові да Радзімы. Школьнікі бачаць, як наша інфармацыйная прастора "прастрэльваецца" з суседніх дзяржаў, і процідзейнічаць нядобразычліўцам могуць толькі думаючыя людзі, якія любяць і ведаюць свой край і жадаюць яго развіцця і росквіту.

osipovichi-region.by