08.12.2025

Важная інфармацыя для жыхароў Асіповіцкага раёна: змены ў графіку руху цягнікоў на 2025-2026 гады

Беларускай чыгункай з 14 снежня ўводзіцца графік руху цягнікоў на 2025-2026 гады.

Ён сфарміраваны на падставе маніторынгу попыту на перавозкі, напрамкаў пераважных пасажырапатокаў, а таксама выканання патрабаванняў сістэмы дзяржаўных сацыяльных стандартаў па абслугоўванні насельніцтва ў галіне транспарту. Новы графік будзе дзейнічаць на працягу года. У ім захаваны ўсе раней існуючыя маршруты курсіравання міжнародных цягнікоў.

У выніку праведзенай сумеснай работы з аблвыканкамамі па аптымізацыі памераў руху на малаінтэнсіўных участках Ліда-Беняконе і Асіповічы-Градзянка ў сувязі з нязначным пасажырапатокам, сувымерным з колькасцю месцаў у аўтобусе, чыгуначныя пасажырскія зносіны на гэтых напрамках заменены аўтобусным.

osipovichi-region.by