04.04.2025

У рамках месячніка па добраўпарадкаванні вядуцца работы па азеляненні горада Асіповічы

Добра працуюць асіпаўчане ў парку імя 50-годдзя УЛКСМ, дзе ідзе закладка алеі ў гонар 80-годдзя Вялікай Перамогі! Хутка асіпаўчан парадуюць зялёнай лістотай маладыя клёны, ліпы, вербы.

Актыўна задзейнічаны ў работах чыгуначнікі. Таксама прымаюць удзел СШ №3, райінспекцыя аховы прыродных рэсурсаў і аховы навакольнага асяроддзя і УКП ЖКГ.

Падвозіцца вада, удзельнікі месячніка па добраўпарадкаванні паліваюць саджанцы, клапатліва падвязваюць іх. Яно і зразумела: усім прыемна бачыць свой горад чыстым, зялёным, сучасным.

Больш інфармацыі на нашым тэлеграм-канале

osipovichi-region.by