09.06.2025

У Асіповіцкую цэнтральную раённую бальніцу ўжо паступіла 238 новых камп'ютараў, набытых за кошт рэспубліканскага бюджэту

Даступнасць медыцынскай дапамогі, цыфравізацыі, укараненне сучасных метадаў лячэння — такія задачы стаяць перад сферай аховы здароўя ў пяцігодку якасці.

Па распараджэнні Кіраўніка дзяржавы ствараецца цэнтралізаваная інфармацыйная сістэма аховы здароўя, якая павінна задавальняць патрэбнасці грамадзян і прафесійнай супольнасці краіны, павышаць якасць аказання медпаслуг насельніцтву.

Першы этап прайшоў у 2024 годзе і ў тым ліку быў прысвечаны эксперыментальнаму ўкараненню ЦIСАЗ у дзевяці арганізацыях аховы здароўя першай чаргі. У бягучым годзе да адзінай інфармацыйнай прасторы падключаць усе дзяржаўныя ўстановы аховы здароўя Беларусі.

Неабходны крок у лічбавым развіцці - забеспячэнне ўстаноў персанальнымі камп'ютарамі для медыцынскіх работнікаў пад стоадсоткавую патрэбнасць.

У Асіповіцкую цэнтральную раённую бальніцу ўжо паступіла 238 новых камп'ютараў, набытых за кошт рэспубліканскага бюджэту.

Як паведаміў галоўны ўрач ЦРБ Павел Шаціла, цяпер ідзе іх устаноўка на працоўных месцах медперсаналу, а да снежня бальніца павінна ўвайсці ў ЦIСАЗ, адна з галоўных задач якой — збор, назапашванне, захоўванне інфармацыі аб стане здароўя пацыентаў, што дазваляе і ўрачам, і пацыентам бесперашкодна і своечасова атрымліваць неабходныя медыцынскія дадзеныя.

osipovichi-region.by