14.03.2025

У Асіповічах адкрылі яшчэ адзін арэндны дом

Чарговае радаснае мерапрыемства адбылося сёння па адрасе вул. Крыловіча, 32. У новым 72-кватэрным доме, падведамным Міністэрству абароны Рэспублікі Беларусь, будуць жыць прадстаўнікі ўсіх воінскіх часцей і падраздзяленняў Асіповіцкага гарнізона. 

Ва ўрачыстай цырымоніі адкрыцця прынялі ўдзел начальнік ракетных войскаў і артылерыі Узброеных Сіл Рэспублікі Беларусь генерал-маёр Руслан Чэхаў, старшыня Асіповіцкага раённага выканаўчага камітэта Андрэй Дубінчык, начальнік Асіповіцкага гарнізона, камандзір 51 гвардзейскай артылерыйскай брыгады гвардыі палкоўнік Аляксей Ратушны і настаяцель мужчынскага манастыра ў гонар іконы Божай Маці "Жываносная крыніца" ігумен Максім (Юндзіл).