27.06.2025

У Асіповічах адключаць гарачую ваду. Распавялі, калі і на якіх вуліцах

У сувязі з правядзеннем планавых рамонтаў цепламагістраляў і абсталявання Асіповіцкай міні-ЦЭЦ будзе спынена падача гарачай вады спажыўцам цэнтральнай часткі горада, мікрараёна № 1 і мікрараёна на вул. Чарняхоўскага, вул. Крыловіча, вул. у. Міхалкіна з 0.00 г. 7 ліпеня да 24.00 г. 19 ліпеня. З 0.00 г. да 24.00 г. 20 ліпеня павелічэнне тэмпературы гарачага водазабеспячэння будзе праводзіцца паступова.

7 і 18-19 ліпеня будуць праводзіцца гідраўлічныя выпрабаванні на трываласць (шчыльнасць) цепламагістраляў Асіповіцкай міні-ЦЭЦ, якія праходзяць на вуліцах Чапаева, Першамайская, Гагарына, Мічурына, Каданчыка, Ленінская, Кірава, Юбілейная, 60 гадоў Кастрычніка, Паркавая, Сташкевіча, Сумчанкі, Чарняхоўскага, Крыловіча, В. Міхалкіна, Праектуемая. Пры правядзенні выпрабаванняў магчымыя пашкоджанні цепламагістраляў з выкідам сеткавай вады на паверхню зямлі, утварэнне прамоін і варонак над цепламагістралямі.

Просім жыхароў г. Асіповічы, каб пазбегнуць няшчасных выпадкаў не набліжацца да варонак, прамоін і правалаў, не дапускаць да іх дзяцей.

Пры выяўленні ўцечак вады тэлефанаваць па тэлефонах: 8 (02235) 24-730, 8 (0225) 78-83-52, 8 (033) 319-17-49.

Адміністрацыя філіяла"Бабруйскія цеплавыя сеткі".

osipovichi-region.by