05.08.2025

У ходзе рабочай паездкі ў Асіповіцкі раён памочнік Прэзідэнта Рэспублікі Беларусь - інспектар па Магілёўскай вобласці Сяргей Налівайка прыняў удзел у чарговым пасяджэнні райвыканкама

Асноўным у парадку дня было пытанне аб рабоце са зваротамі грамадзян і юрыдычных асоб, ажыццяўленні адміністрацыйных працэдур за I паўгоддзе 2025 года. Як адзначыў Андрэй Дубінчык, у бягучым годзе створаны ўмовы для актывізацыі дыялогу паміж уладай і мясцовай супольнасцю — гэта дазваляе больш аператыўна выяўляць "вузкія месцы" ў жыццядзейнасці рэгіёна і больш дакладна вызначаць прыярытэты ў іх ліквідацыі. Вынікі гэтай работы ілюструюць наступныя лічбы.

Звароты грамадзян і юрыдычных асоб

Колькасць зваротаў, якія паступілі ў райвыканкам у I паўгоддзі 2025 г., у параўнанні з аналагічным перыядам 2024 года павялічылася на 33,3% і склала 208 (I паўгоддзе 2024 г. — 156). З іх па пытаннях жыллёвага фонду і жыллёва-камунальнай гаспадаркі — 48,5%.

Кіраўніцтвам райвыканкама праведзена 25 прамых тэлефонных ліній, у іх ходзе паступіла 59 зваротаў (I паўгоддзе 2024 г. — 77), якія пераважна датычацца сферы жыллёва-камунальнай гаспадаркі і добраўпарадкавання.

З 208 зваротаў, якія паступілі ў райвыканкам, каля 50% тычыліся тлумачэнняў нарматыўных актаў. 46 зваротаў, або 22,1%, задаволена.

Да прыкладу, аддзяленнем прафілактычнай дэзінфекцыі райЦГЭ праведзена дэзінфекцыя месцаў агульнага карыстання ў жылым доме № 47 на вул. Сумчанкі; УКП ЖКГ адноўлена вулічнае асвятленне ў раёне жылога дома № 37 на вул. Юбілейнай; выкананы работы па выдаленні аварыйнага дрэва ў в. Навасёлкі; праведзена замена свяцілень над уваходамі ў пад'езды жылых дамоў №№ 30, 48, 52 на вул. Чарняхоўскага на дыёдныя; зроблены работы па ўладкаванні арганізаванага вадасцёку з даху жылога дома № 13 на вул. Патоцкага; ЗВЭС Магілёўскага філіяла РУП "Белтэлекам" выкананы работы па прывядзенні ў належны стан стаянкі аўтамабільнага транспарту ЗВЭС і пляцоўкі зараднай станцыі для электрамабіляў.

На пастаянна дзеючую гарачую лінію райвыканкама паступіла 15 зваротаў (I паўгоддзе 2024 г. — 16), з якіх усе задаволены.

У грамадскую прыёмную па прававых пытаннях звярнулася шэсць грамадзян (I паўгоддзе 2024 г. - сем), якім былі дадзены тлумачэнні ў адпаведнасці з дзеючым заканадаўствам.

Асобныя звароты застаюцца на кантролі ў райвыканкаме ў сувязі з запланаванымі работамі (рамонт вулічна-дарожнай сеткі, бягучы рамонт жыллёвага фонду і інш.). Па выніках разгляду зваротаў, якія паступілі ў I паўгоддзі 2025 года, пакінута на кантролі 31 (грэйдзіраванне і падсыпка вуліц, добраўпарадкаванне дваровых тэрыторый, выкананне работ па бягучым рамонце і ўтрыманні жыллёвага фонду і інш.).

Аддзелам жыллёва-камунальнай гаспадаркі райвыканкама на пастаяннай аснове праводзіцца маніторынг праграмнага забеспячэння "Дыспетчарская служба" і кантроль паступаючых заявак у дыспетчарскую службу УКП ЖКГ і іх выкананне. Вынікі маніторынгу разглядаюцца на пасяджэннях рабочай групы.

“Адно акно”

У I паўгоддзі службай "адно акно" райвыканкама прыняты і выдадзены рашэнні па 3 855 заявах па ажыццяўленні адміністрацыйных працэдур, што на 26,3% больш за ўзровень адпаведнага перыяду мінулага года (3 052), па заявах зацікаўленых асоб выканана 3 636 запытаў (3 590).

Найбольш запатрабаваныя працэдуры: па пытаннях жыллёвых праваадносін, архітэктуры і будаўніцтва, прызначэнне сямейнага капіталу, выдача пасведчання шматдзетнай сям'і, атрыманне дазволу на датэрміновае выкарыстанне сямейнага капіталу, адрасная сацыяльная дапамога.

* * *

Пытанні выканання заканадаўства пры разглядзе зваротаў грамадзян і юрыдычных асоб, выканання патрабаванняў Кіраўніка дзяржавы аб дэбюракратызацыі работы з грамадзянамі на тэрыторыі раёна рэгулярна разглядаюцца на нарадах, якія праводзяцца кіраўніцтвам райвыканкама, пасяджэннях пастаянна дзеючай рабочай групы па кантролі і каардынацыі дзейнасці па дэбюракратызацыі дзяржаўнага апарату, укараненні заяўнага прынцыпу "адно акно", а таксама на пасяджэннях раённага выканаўчага камітэта пры падвядзенні вынікаў работы са зваротамі і знаходзяцца на асаблівым кантролі.

Падводзячы вынікі работы са зваротамі грамадзян і юрыдычных асоб у Асіповіцкім раёне, Сяргей Налівайка адзначыў, што яны маюць станоўчую дынаміку. Аднак спыняцца на дасягнутым нельга. Пытанняў, над рашэннем якіх патрабуецца засяродзіць больш намаганняў, усё яшчэ нямала.

osipovichi-region.by