17.10.2025

У вёсцы Базок Асіповіцкага раёна асвяцілі паклонны крыж на месцы старажытнага храма

У Пакроўскую бацькоўскую суботу, 11 кастрычніка, благачынны Асіповіцкай акругі протаіерэй Васіль Белавус здзейсніў хрысціянскі чын асвячэння паклоннага крыжа ў вёсцы Базок. Сімвал Боскай прысутнасці ўсталяваны на сельскіх могілках 17 мая 2020 г. дакладна на месцы прастола разбуранай часам царквы.

Гісторыя

Год узвядзення храма ў гонар Свяціцеля Мікалая Цудатворца дакладна невядомы. Пабудаваны ён быў па вобразу ўніяцкіх храмаў Рэчы Паспалітай з блаславення епархіяльнага духавенства на сродкі жыхароў Базка і навакольных вёсак. Захаваліся звесткі, што ў 1875 годзе царква была перабудавана ў хрысціянскую — з адным пасадам і іканастасам простай работы, а 25 студзеня 1976 года, у дзень вялікапакутніцы Таццяны, асвечана благачынным першай акругі Ігуменскага павета протаіерэем Іосіфам Дамінікоўскім.

У не самыя лепшыя для хрысціянства часы царква стала разбурацца і ў пачатку цяперашняга стагоддзя была цалкам знішчана пажарам.

З верай і надзеяй

Дзякуючы неабыякавым людзям на месцы храма сёння ўсталяваны і асвечаны паклонны крыж. І зноў на сродкі мясцовых жыхароў. Ідэйным натхняльнікам богаўгоднай справы стала наша зямлячка Алена Зайцава. Не засталіся ўбаку і ўсе, хто сёння прыязджае на радзіму продкаў.

Папрацаваўшы на добрую справу старшыня Ліпенскага сельвыканкама Уладзімір Раманюк уручыў падзячныя лісты.

osipovichi-region.by