28.07.2025

У Дзень ваенна-марскога флоту ў Асіповічах адкрылі памятны знак, прысвечаны ваенным маракам і марскім пяхотнікам усіх пакаленняў

Яго ўсталявалі на Алеі Герояў.

Ідэя стварэння помніка належыць удзельнікам ветэранскіх арганізацый ваенных маракоў і марскіх пяхотнікаў. Рэалізуюць яе на свае сродкі самі ветэраны.

На ўрачыстым мерапрыемстве прысутнічаў старшыня Рэспубліканскай грамадскай арганізацыі марской пяхоты Міхаіл Капілевіч, старшыня Беларускага саюза ваенных маракоў Валерый Халадзілін, прадстаўнікі райвыканкама, грамадскіх арганізацый, працоўных калектываў, ветэраны.

Удзельнікі мерапрыемства ўшанавалі памяць загінуўшых пры выкананні службовага абавязку на моры і на сушы, усклалі кветкі.