15.10.2025

У Беларусі ўзмоцнены кантроль за паляваннем

З 1 кастрычніка па 31 снежня Дзяржаўная інспекцыя праводзіць спецыяльнае комплекснае мерапрыемства "Паляванне". Яно накіравана на забеспячэнне парадку, бяспекі і захаванне прыродных багаццяў.

Асноўныя задачы мерапрыемства:

Выяўленне фактаў браканьерства і ўзмацненне кантролю за арганізацыяй і правядзеннем паляванняў з мэтай папярэджання парушэнняў прыродаахоўнага заканадаўства і нанясення шкоды прыродзе.

Умацаванне ўзаемадзеяння з праваахоўнымі органамі і паляўнічымі ў рамках вывядзення з абароту незаконных прылад здабычы дзікіх жывёл, у тым ліку зброі і боепрыпасаў.

Узаемадзеянне з насельніцтвам. Дзяржінспекцыя заклікае грамадзян паведамляць вядомую інфармацыю пра факты браканьерства або незаконнага захоўвання прылад палявання. Акцэнт робіцца на прафілактыку і магчымасць добраахвотнай здачы такой зброі.

Разам мы зможам больш эфектыўна абараняць прыроду. Калі ў вас ёсць інфармацыя аб парушэннях прыродаахоўнага заканадаўства, калі ласка, паведаміце пра гэта на кругласутачны тэлефон даверу:

8 (017) 390-00-00; 8 (033) 333-60-00

Ваша дапамога важная для захавання нашага агульнага прыроднага здабытку.