24.11.2025

Вучань з Асіповічаў увайшоў у лік лепшых IT-розумаў краіны

Гонар, прэстыж і дзесяць тысяч супернікаў. Менавіта ў такой жорсткай канкурэнтнай барацьбе бліскуча праявіў сябе вучань СШ №4 Яўген Ерашэвіч.

Ён стаў дыпламантам III ступені рэспубліканскага конкурсу камп'ютарных распрацовак "ПАТРИОТ.by", пацвердзіўшы, што таленты, здольныя на вялікія перамогі, жывуць сярод нас.

Конкурс сабраў рэкордную колькасць работ - 10 000 праектаў з усіх куткоў Беларусі. Прайшлі ў фінал і былі дапушчаныя да абароны на рэспубліканскім узроўні толькі 50 праектаў.

За гэтым поспехам стаіць не толькі ўпартасць і талент самога Яўгена, але і мудрае кіраўніцтва яго настаўніка — Алены Іванаўны Мурашка. Такое плённае супрацоўніцтва вучня і настаўніка — ідэальная формула для вырошчвання пераможцаў.

osipovichi-region.by