16.07.2025

Сялу - дарогі! У Асіповіцкім раёне працягваецца добраўпарадкаванне сельскіх тэрыторый

Добраўпарадкаванне сельскіх тэрыторый - задача, якая патрабуе сістэмнага падыходу і значных намаганняў. Таму ад філіяла КУП "Магілёўаблдарбуд" — ДРБУ № 199 патрабуецца дакладная арганізацыя работ, іх рытмічнасць і забеспячэнне якасці правядзення ўсіх тэхналагічных аперацый.

З мінулага тыдня спецыялісты прадпрыемства працуюць над паляпшэннем дарожнай інфраструктуры ў раёне вёскі Базок.

На сёння завершаны асноўны этап - кладка асфальтабетоннага пакрыцця працягласцю 950 метраў на ўездзе ў населены пункт. Паралельна з дарожнымі работамі вядзецца рэканструкцыя аўтобуснага прыпыначнага пункта. Платформа ўжо заасфальтавана, а ў бліжэйшы час дарожнікі пачнуць рамонт пасадачнай пляцоўкі, што забяспечыць камфортную пасадку і высадку пасажыраў незалежна ад умоў надвор'я.

Для павышэння бяспекі дарожнага руху плануюцца ўмацаванне абочын і ўстаноўка штучнай няроўнасці — гэта забяспечыць павышэнне трываласці дарожнага палатна. Акрамя таго, на ўездзе ў вёску будуць устаноўлены неабходныя дарожныя знакі.

osipovichi-region.by