28.05.2025

Сёння на Алеі Герояў прайшоў урачысты мітынг, прысвечаны Дню пагранічніка

У мерапрыемстве прынялі ўдзел школьнікі, прадстаўнікі дэпутацкага корпуса, грамадскіх аб'яднанняў, арганізацый і прадпрыемстваў.

Землякоў, аб'яднаных у раённую арганізацыю ГА "Беларускі саюз ветэранаў органаў пагранічнай службы", павіншавалі старшыня райсавета ветэранаў Міхаіл Слесарэнка, старшыні райарганізацыі ГА "Беларускі саюз ветэранаў органаў пагранічнай службы" Аляксандр Краўчанка і ветэранскай арганізацыі 51 гвардзейскай артылерыйскай дывізіі падпалкоўнік у адстаўцы Аляксандр Шаўчэнка.

Выступоўцы высока ацанілі значнасць дзейнасць ветэранаў-пагранічнікаў у грамадскім жыцці раёна, а таксама ўручылі ўзнагароды членам арганізацыі.

Сяргей Карпенка і Сяргей Прановіч атрымалі граматы Асіповіцкага райсавета дэпутатаў за актыўную работу па ваенна-патрыятычным выхаванні, а Уладзімір Хашкоўскі і Валерый Чупахін па даручэнні ваеннага камісарыята Асіповіцкага і Клічаўскага раёнаў узнагароджаны юбілейнымі медалямі.

Удзельнікі мітынгу ўсклалі кветкі да памятнага знака "Пагранічнікам усіх пакаленняў" і ўшанавалі хвілінай маўчання памяць тых, хто загінуў пры выкананні воінскага абавязку.

osipovichi-region.by