28.03.2025

З 29 сакавіка ў Асіповічах зменіцца кошт праезду ў аўтобусах і маршрутках

Кошт праязнога дакумента павялічыцца з 80 да 90 кап. за паездку. Для экспрэсных маршрутаў тарыф паднімецца да 1 рубля.

Змяненні закрануць таксама прыгарадныя перавозкі. Кошт аднаго кіламетра праезду на звычайных маршрутах вырасце з 10 да 11 кап., на хуткасных - з 12 да 13 кап., на экспрэсных - з 13 да 14 кап.

Адпаведнае рашэнне прынята Магілёўскім аблвыканкамам у адпаведнасці з Указам Прэзідэнта Рэспублікі Беларусь № 72 "Аб некаторых пытаннях рэгулявання цэн (тарыфаў)" і пратаколам Камісіі па пытаннях дзяржаўнага рэгулявання цэнаўтварэння пры Савеце Міністраў.

osipovichi-region.by