05.05.2025

Прадукцыя Асіповіцкага філіяла ААТ "Бабулiна крынка" атрымала заслужаныя ўзнагароды

З выдатным настроем сустрэлі Першамай работнікі філіяла "Асіповіцкі" ААТ "Бабулiна крынка": напярэдадні ў ІІІ галіновым дэгустацыйным конкурсе кандытарскіх вырабаў "Кандытарскі Алімп-2025", які праводзіцца ў рамках 4-га Міжнароднага сімпозіума кандытараў-2025; намінацыі "Інавацыя года" за лінейку цукерак малочных "Энергія малака" ў асартыменце.

Залаты медаль атрымалі цукеркі малочныя "Энергія малака" са смакам кавы.

Як адзначыла намеснік дырэктара па вытворчасці і якасці Святлана Грэчная, перамога ў прэстыжным конкурсе не стала вялікай нечаканасцю, бо малочныя цукеркі - прадукцыя эксклюзіўная, у нас у краіне выпускаецца толькі ў Асіповічах. Лінейка ўключае восем відаў: са смакам кавы, банана, маліны, грыбоў, какоса, сыру, а таксама кавун-мята і проста малочныя. З канвеера з пачатку года ўжо сышло 49 тон гэтых прысмак. Дарэчы, малочныя цукеркі ўтрымоўваюць шмат бялку і вітаміна D, яны без цукру і выдатна падыходзяць у якасці перакусу.

У Асіповічах іх можна набыць у фірмовай краме прадпрыемства "Свежасць", таксама ў гандлёвых кропках ТАА "Прусакоў".

osipovichi-region.by