18.03.2025

Права легалізаваць самавольныя падключэнні да цэнтральных вадаправодных і каналізацыйных сетак без рызыкі панесці штрафныя санкцыі ўладальнікам жылых дамоў па 31 сакавіка прадастаўляе філіял "Бабруйскводаканал" УПКПВКХ "Магілёўаблводаканал"

Як расказалі ў Асіповіцкім участку філіяла, гэта акцыя праводзіцца ўжо не першы год. У 2023 годзе ў нашым раёне было выяўлена 38, а ў мінулым годзе 15 самавольных "урэзак" да цэнтральнага водазабеспячэння, а таксама падлучэнняў шлангаў або іншых прылад да вулічных і дваровых калонак. Сёлета штраф за падобныя падключэнні ў залежнасці ад дыяметра трубы і іншых нюансаў будзе вар'іравацца ад 1 939 да 8 820 рублёў, што можа стаць значным фінансавым цяжарам для няўдачлівых уласнікаў.

"Водная амністыя" - гэта магчымасць пазбегнуць штрафаў, упэўненасць у якасным водазабеспячэнні і водаадвядзенні, а таксама гарантыя таго, што ўсе паслугі будуць прадастаўляцца ў адпаведнасці з дзеючым заканадаўствам.

Асноўныя ўмовы акцыі дастаткова простыя — неабходна звярнуцца ў філіял “Бабруйскводаканал” па тэлефонах: 8 (0225) 72-11-28, 72-10-66.

Арыентыровачны кошт афармлення падключэння ў залежнасці ад тэхнічных умоў складае 400 рублёў, што ў разы менш, чым прадугледжаны за “самадзейнасць” штраф.

osipovichi-region.by