21.08.2020

«Пра размяшчаемыя ў сетцы Інтэрнэт заклікi да ўдзелу ў забастоўках»

З улікам сістэматычна размяшчаемых у сетцы Інтэрнэт заклікаў да ўдзелу ў забастоўках Генеральная пракуратура тлумачыць наступнае.

На падставе палажэнняў артыкулаў 11,388 Працоўнага кодэкса Рэспублікі Беларусь работнікам сапраўды прадастаўлена права на забастоўкi - часовыя добраахвотныя адмовы ад выканання працоўных абавязкаў у мэтах вырашэння калектыўнай працоўнай спрэчкі, абароны сваіх эканамічных і сацыяльных правоў, калі іншымі спосабамі вырашэнне канфліктнай сітуацыі з наймальнікам не дасягнута.

Пры гэтым невыкананне ўсталяванай Працоўным кодэксам працэдуры яе падрыхтоўкі і правядзення можа з'яўляцца падставай для прызнання судом забастоўкi незаконнай з наступным прыцягненнем удзельнікаў да дысцыплінарнай і іншай адказнасці.

Прымаемыя у цяперашні час спробы арганізаваць на асобных прадпрыемствах рэспублікі забастовачны рух не звязаны з вырашэннем працоўных спрэчак, а ўсё больш набываюць палітызаваную афарбоўку.

Па сутнасці арганізатары такога руху неабгрунтавана падмяняюць несумяшчальныя прававыя паняцці: забастоўку як форму вырашэння калектыўных працоўных спрэчак і масавае мерапрыемства, мэта якога - выказванне палітычных меркаванняў і патрабаванняў і для правядзення якога прадугледжаны іншыя прававыя механізмы.

Такім чынам, не выконваючы свайго ключавога прызначэння - вырашэння калектыўнай працоўнай спрэчкі, нявыхад на працоўныя месцы з'яўляецца парушэннем працоўнай дысцыпліны (прагулам), за якое надыходзіць устаноўленая Працоўным кодэксам дысцыплінарная адказнасць.

Генеральная пракуратура ў чарговы раз просіць грамадзян узважана і асцярожна рэагаваць на заклікі да ўдзелу ў палітызаваных масавых мерапрыемствах, названых забастовачным рухам, не паддавацца правакацыям, здольным пагоршыць узаемаадносіны з наймальнікамі, прычыніць іншыя негатыўныя наступствы правам і інтарэсам іншых грамадзян.

Аддзел інфармацыі Генеральнай пракуратуры