25.04.2025

Падарунак - добрая традыцыя

Дзякуючы клопатам і фінансавай падтрымцы раённай арганізацыі ДТСААФ навучэнцы спецшколы-інтэрната маюць магчымасць наведваць выязныя экскурсіі.

Старшыня цэнтральнага савета ДТСААФ Андрэй Некрашэвіч уручыў дзецям запрашэнне на наведванне музея пад адкрытым небам "Музей авіяцыі і касманаўтыкі", а таксама распарадзіўся прадаставіць транспарт арганізацыі. Пытанні транспарціроўкі дзяцей-калясачнікаў да музея і назад вырашыў "добры чараўнік" старшыня РАС ДТСААФ Юрый Сугакаў. А дадатковыя працэдуры тэхагляду, дазволы на перавозку дзяцей вырашаны старшым майстрам Дзмітрыем Кірыловічам.

Дапамога работнікаў ДТСААФ для нас стала добрай традыцыяй. Пры падтрымцы спонсараў мы змаглі дабрацца ў Бабруйск для ўдзелу ў рэгіянальным этапе XIV рэспубліканскага фестывалю мастацкай творчасці "Вясёлкавы карагод", потым з'ездзіць у Магілёў на абласны этап.

Гэты фестываль дае дзецям магчымасць раскрыць свае здольнасці, далучыцца да нацыянальных традыцый, культуры. У складзе ансамбля беларускай народнай песні "Жытніца" хлопцы заваявалі Дыплом I ступені Міністэрства адукацыі Рэспублікі Беларусь у намінацыі "Лепшы фальклорны калектыў" (кіраўнік Людміла Грынько). Таксама ў намінацыі дэкаратыўна-прыкладнога мастацтва "Мастацкая творчасць" прымалі ўдзел работы выхаванцаў школы (кіраўнік Алена Стром).

Вельмі прыемна, што ў наш няпросты час ёсць людзі, гатовыя працягнуць руку дапамогі.

Аляксей Хрысцічэнка, навучэнец 11 класа.

osipovichi-region.by