29.09.2025

Ад беражлівасці да якасці. На ААТ "АЗАА" стартуе курс рэарганізацыі, які прадугледжвае ўкараненне прынцыпаў беражлівай вытворчасці

Гэтая сістэма кіравання, якая зарадзілася ў Японіі ў сярэдзіне XX стагоддзя на аснове вытворчай сістэмы Toyota, за мінулыя дзесяцігоддзі распаўсюдзілася па ўсім свеце і ахапіла розныя галіны і сферы паслуг.

Вясной 2025 года ў Беларусі быў уведзены новы дзяржаўны стандарт "Менеджмент якасці. Сістэмы беражлівага менеджменту", распрацаваны БелДІСС у супрацоўніцтве з Міністэрствам эканомікі. Гэты стандарт устанавіў патрабаванні і рэкамендацыі па забеспячэнні якаснай прадукцыі і паслуг пры аптымальных выдатках і тэрмінах.

Пра тое, як плануецца ўкараняць сістэму кіравання "Беражлівая вытворчасць" на АЗАА, пагаварылі з намеснікам дырэктара прадпрыемства па якасці Паўлам Клімовічам:

— Сутнасць беражлівай вытворчасці — пастаянны пошук магчымасцяў ліквідаваць страты ў тэхналагічных ланцужках. Гэта зніжэнне выдаткаў і працаёмкасці — аптымізацыя працэсаў дазваляе скараціць выдаткі і палепшыць прадукцыйнасць; эканомія рэсурсаў — укараненне тэхналогій, якія мінімізуюць выкарыстанне матэрыяльных і фізічных рэсурсаў; упарадкаванне працы — выключэнне непатрэбных дзеянняў і перасоўванняў як на тэрыторыі завода, так і ўнутры цэхаў. Таксама гэта падбор альтэрнатыўных матэрыялаў і інструментаў. Адным словам, гэта комплекс мерапрыемстваў па зніжэнні выдаткаў як лакальна (на працоўным месцы), так і ў цэлым на прадпрыемстве.

Галоўнае адрозненне беражлівага падыходу ад звычайных метадаў кіравання ў тым, што ён не з'яўляецца часовай мерай.

Гэта пастаянны працэс, які становіцца часткай культуры кампаніі.

Для яго паспяховага прымянення трэба пастаянна сачыць за вынікамі, рэгулярна аналізаваць паказчыкі і прыцягваць да гэтага супрацоўнікаў усіх узроўняў, каб разам знаходзіць і ўстараняць страты.

Першапачаткова гэта быў як самастойны напрамак развіваемы грамадствам. Зараз беражлівая вытворчасць выходзіць на ўзровень рэспубліканскіх ініцыятыў.

— Механізм укаранення беражлівай вытворчасці на АЗАА ўжо запушчаны?

— Так. Завод актыўна супрацоўнічае з кансалтынгавымі арганізацыямі, якія прапануюць навучанне па гэтай канцэпцыі. Нашы спецыялісты ўжо наведвалі спецыяльныя курсы. Аднак у Беларусі ўсё магчымае навучанне прапануе толькі тэорыю беражлівай вытворчасці. Паглядзець і прааналізаваць практычны вопыт па ўкараненні гэтага напрамку працы і ўбачыць яго вынік пакуль няма дзе. Таму да канца года ў нас запланавана навучанне, прычым навучаючы бок мы запросім да нас на вытворчасць, каб можна было адразу на месцы прадумаць, як тэорыю прымяніць на практыцы. Таксама будуць вырабляцца разлікі эканамічнай і арганізацыйнай эфектыўнасці, аналіз магчымых страт і распрацоўка мерапрыемстваў па іх зніжэннi і іншае.

А ўжо ў першым квартале наступнага года будзем праводзіць рэарганізацыю абранага лакальнага ўчастка.

Вядома, гэта будзе адбывацца паступова, і вынікі кожнага кроку дапамогуць больш дакладна вызначыць, у якім напрамку рухацца далей.

— Які вынік чакаеце?

— Укараненне беражлівай вытворчасці на АЗАА павінна прывесці да значных паляпшэнняў у эканамічнай і арганізацыйнай эфектыўнасці работы прадпрыемства. Тут шмат напрамкаў работы і ўсе яны перасякаюцца. Таму важны комплексны падыход. Напрыклад, заводу ўжо 50 гадоў. У час, калі яго будавалі, былі зусім іншыя і патрэбы ў абсталяванні, і патрабаванні да яго расстаноўкi, а таксама арганізацыі працоўных месцаў на вытворчасці. Час не стаіць на месцы: мяняюцца тэхналогіі, абсталяванне, умовы працы і людзі. Таму неабходна перагледзець арганізацыю працоўнай прасторы, улічваючы ўнутраную лагістыку, а таксама паступовае перааснашчэнне цэхаў. Праз санкцыі ў нас памянялася намэнклятура пастаўляемых матэрыялаў. Усё гэта прыводзіць да страты часу за кошт пусканаладачных работ. Адпаведна, неабходна пераглядаць тэхналогію вытворчасці, а таксама неабходнасць замены некаторага абсталявання альбо яго переналадку.

Паспяховае ўкараненне беражлівай вытворчасці патрабуе не толькі тэхнічных ведаў, але і змены мыслення супрацоўнікаў. Кожны работнік павінен усвядоміць сваю ролю ў працэсе аптымізацыі і быць гатовым да змен. Гэта створыць умовы для фарміравання каманды, арыентаванай на пастаяннае ўдасканаленне і інавацыі.

osipovichi-region.by