26.03.2025

Асіпаўчане прынялі ўдзел у чэмпіянаце і першынстве краіны па тайландскім боксе

Чэмпіянат і першынство краіны па тайландскім боксе адбыліся ў РЦПА "Стайкі" ў Мінску. Традыцыйна прынялі ў ім удзел і асіпаўчане - як заўсёды, вынікова.

Так, залаты медаль у сваёй вагавой катэгорыі і Кубак лепшага байца заваяваў Цімафей Абрамчык. Таксама золата і ва Уладзіслава Рагалевіча.

На другую прыступку п'едэстала гонару ўзняліся Уладзімір Тажудзінаў, Ілля Следзь і Яўген Філімонаў.

А бронзу атрымалі Мікіта Епіхаў, Данііл Скала, Віктар Марозаў, Ангеліна Якубоўская і Уладзіслаў Дынгалёў.

osipovichi-region.by