26.09.2025

Аплата ЖКП: як пацвердзіць занятасць

1 кастрычніка ўступае ў сілу новы парадак налічэння платы за жыллёва-камунальныя паслугі для грамадзян, не занятых у эканоміцы.

Аплата ЖКП па эканамічна абгрунтаваных цэнах будзе распаўсюджвацца на ўсе жылыя памяшканні плацельшчыка, незалежна ад яго рэгістрацыі па месцы жыхарства, і на ўвесь аб'ём спажытых паслуг (гарачае водазабеспячэнне, цеплазабеспячэнне, газазабеспячэнне пры наяўнасці індывідуальных газавых ацяпляльных прыбораў).

Спіс працаздольных грамадзян, якія аплачваюць паслугі з поўнай кампенсацыяй выдаткаў, штомесяц фарміруецца пастаянна дзеючай камісіяй па каардынацыі работы па садзейнічанні занятасці насельніцтва Асіповіцкага райвыканкама на падставе звестак, якія змяшчаюцца ў базе працаздольных грамадзян, не занятых у эканоміцы Рэспублікі Беларусь.

Важна адзначыць, што ў іх не ўключаюцца грамадзяне, якія прад'явілі камісіі пацвярджаючыя іх занятасць дакументы. З пачатку года звыш 500 грамадзян падалі такія дакументы.

Для атрымання кансультацыі, у тым ліку інфармацыі аб уключэнні ў базу не занятых у эканоміцы, прадастаўлення дакументаў, якія пацвярджаюць занятасць, у тым ліку на тэрыторыі дзяржаў — удзельніц Еўразійскага эканамічнага саюза, неабходна звяртацца ў камісію па адрасе: вул. Сумчанкi, 33 (2 корп. райвыканкама, 1 пав., каб. 101), тэл. 66-136, у працоўныя дні з 8.00 да 17.00 (перапынак з 13.00 да 14.00), электронная пошта: osip_ispolcom9@osipovichi.gov.by.