17.06.2025

Народны ансамбль народнай песні і музыкі "Дзівакі" прыняў удзел у XXIII Міжнародным фестывалі фальклору і традыцыйнай культуры "Горцы", які праходзіў 11-16 чэрвеня ў Дагестане

Сёлета гасцямі і ўдзельнікамі гэтага маштабнага мерапрыемства сталі творчыя калектывы і майстры народных промыслаў з Беларусі, Узбекістана, Паўднёвай Асеціі. Багатую і разнастайную традыцыйную культуру прадставілі рэгіёны Расіі: Рэспублікі Удмуртыя, Крым, Башкартастан, Карэлія, Бурація, Растоўская, Ліпецкая вобласці, горада Астрахань, Кастрама, Перм, Севастопаль і фальклорныя ансамблі з Рэспублікі Дагестан.

- Мы не проста выступілі, мы пагрузіліся ў атмасферу сапраўднага фальклору, сталі часткай гэтай цудоўнай падзеі, — дзеліцца ўражаннямі кіраўнік "Дзівакоў" Вераніка Кузьміч. - Маштаб фестывалю ўражвае. Кожная выступаўшая група несла ў сабе ўнікальную энергетыку, сваю гісторыю, сваю душу. Мы ўбачылі бездакорнае майстэрства выканаўцаў, адчувалі шчырасць іх выступлення, кожны рух, кожная нота былі прасякнуты глыбокім сэнсам. Яркія нацыянальныя касцюмы, зачаравальныя танцы, непаўторныя мелодыі, водары нацыянальнай кухні на рамесных кірмашах – усё гэта стварала незабыўную атмасферу свята. Гэты фестываль - сапраўдная крыніца натхнення для далейшай творчасці.