23.04.2025

На тэрыторыі Асіповіцкага раёна дзейнічае абмежаванне на наведванне лясоў

Правілы бяспекі ў пажаранебяспечны перыяд

20 красавіка ў службу МНС ад мясцовай жыхаркі паступіла паведамленне аб пажары сухой расліннасці ў вёсцы Вербеж Чэрыкаўскага раёна.

Усхваляваная жанчына паведаміла, што ў падпаленай траве знаходзіцца чалавек. Падраздзяленні МНС аператыўна прыбылі да месца выкліку: на адкрытай мясцовасці, працягласцю 10 кв. метраў гарэла трава. На згарэўшым участку без прыкметаў жыцця быў знойдзены 70-гадовы мясцовы жыхар.

Суседзі растлумачылі, што ён зранку знаходзіўся ў стане алкагольнага ап'янення. Па папярэдніх дадзеных трава магла загарэцца з-за неасцярожнасці пры курэнні загінулага.

Ратавальнікі нагадваюць:

• У пажаранебяспечны перыяд будзьце асцярожныя з агнём!
• Устрымайцеся ад выкарыстання адкрытага агню ў лясах, на тарфянішчах, а таксама на прысядзібных участках. Асабліва высокая рызыка развіцця пажару пры моцным ветры.
• Будзьце адказныя: не пакідайце без нагляду вогнішчы, не кідайце недакуркі, запалкі, шкляныя прадметы.
• Сачыце за забаронамі на наведванне лясоў.
• Калі вы сталі відавочцам загарання, неадкладна паведаміце ў МНС па тэлефонах 101 ці 112.

Памятайце, што за незаконнае выпальванне сухой расліннасці давядзецца заплаціць. Згодна з артыкулам 16.40 Кодэкса аб адміністрацыйных правапарушэннях, штраф складзе ад 10 да 30 базавых велічынь. Развядзенне вогнішчаў у забароненых месцах абыдзецца да 12 базавых велічынь (артыкул 16.41 КоАП). Але калі шкода апынецца асоба буйной, можа наступіць крымінальная адказнасць.

У пажаранебяспечны перыяд на тэрыторыі лясных масіваў, у залежнасці ад наяўнай абстаноўкі, можа ўводзіцца забарона або абмежаванне на наведванне лесу. Гэта мера, накіраваная на гарантаванне бяспекі грамадзян, захаванасць іх маёмасці, а таксама ляснога фонду.

Згодна з Лясным кодэксам, рашэнне аб увядзенні абмежавання або забароны на наведванне ляснога фонду ў пажаранебяспечны сезон прымаецца мясцовымі распарадчымі і выканаўчымі органамі ўлады пры пагрозе ўзнікнення лясных пажараў. Пры гэтым ключавым фактарам пры прыняцці такога рашэння з'яўляюцца ўмовы надвор'я: тэмпература, адсутнасць ападкаў, вятры і г.д.

Што ж азначае абмежаванне на наведванне лясоў?

Пры абмежаванні - дапускаецца заходзіць у лес, але нельга ажыццяўляць уезд на тэрыторыю ляснога масіву на механічным транспартным сродку. Забаронена разводзіць вогнішчы ў іглічных дрэвастоях і маладняках, на ўчастках пашкоджаных лясных насаджэнняў, тарфянішчах, у месцах высечак, не вычышчаных ад парубачных рэшткаў і нарыхтаванай драўніны, у месцах з падсохлай травой. Пры гэтым пакідаць прамасленыя ЛУВ ці ГВ, а таксама іншымі гаручымі рэчывамі матэрыялы не дапушчаецца, бо гэта можа прывесці да самазагарання.

АЛЕ: калі вы сабраліся проста прагуляцца па лесе, пазбіраць грыбы ці ягады, то вы можаце спакойна гэта зрабіць.

Адрозненне абмежавання ад забароны заключаецца ў тым, што пры забароне наведванне ляснога масіву забаронена зусім.

Як даведацца ў якіх рэгіёнах уведзена абмежаванне або забарона на наведванне лясоў?

Інфармацыя аб увядзенні мер абмежавальнага характару публікуецца на афіцыйным сайце Міністэрства лясной гаспадаркі ў раздзеле "Карта забарон і абмежаванняў на наведванне лясоў", і ў сродках масавай інфармацыі. Таксама інфармацыю можна ўдакладніць у мясцовых раённых выканаўчых камітэтах і лесагаспадарчых установах.

Якое пакаранне чакае тых, хто парушыў забарону?

Грамадзяніна, які парушыў забарону на наведванне лясоў, чакае адміністрацыйная адказнасць (арт. 16.21 Кодэкса аб Адміністрацыйных правапарушэннях Рэспублікі Беларусь).

Кодэкс Рэспублікі Беларусь аб Адміністрацыйных Правапарушэннях

Артыкул 16.21. Парушэнне патрабаванняў па забеспячэнні пажарнай бяспекі ў лясах ці на тарфяніках

1. Парушэнне патрабаванняў па забеспячэнні пажарнай бяспекі ў лясах або на тарфяніках альбо забароны на іх наведванне, якое не прывяло да прычынення ўрону, – цягне накладанне штрафу ў памеры да дванаццаці базавых велічынь.

2. Парушэнне патрабаванняў па забеспячэнні пажарнай бяспекі ў лясах або на тарфяніках, якое прывяло да знішчэння або пашкоджання лесу або тарфянікаў, - цягне накладанне штрафу ў памеры да трыццаці базавых велічынь.

Па дадзеных Мінлясгаса на 23 красавіка ў сувязі з высокай пажарнай небяспекай на тэрыторыі Асіповіцкага раёна дзейнічае абмежаванне на наведванне лясоў