15.07.2025

Ліўні, навальніцы, шквалісты вецер – у Беларусі аб'яўлены чырвоны ўзровень небяспекі

Асіповіцкі РАНС папярэджвае: сёння па рэспубліцы на большай частцы тэрыторыі чакаюцца навальніцы, пры навальніцах месцамі моцныя ліўні, у асобных раёнах – вельмі моцныя ліўні, град і шквалістае ўзмацненне ветру парывамі да 15-18 м/с. Неспрыяльныя і небяспечныя гідраметэаралагічныя з'явы захаваюцца да канца дня.

Неспрыяльныя ўмовы надвор'я могуць стаць крыніцай небяспекі для здароўя і жыцця. Каб абараніць сябе і блізкіх, выконвайце простыя, але важныя рэкамендацыі.

Пры моцным ветры:

• Па магчымасці заставайцеся ў памяшканнях.
• Зачыніце вокны, дзверы, надзейна замацуйце хісткія прадметы на вуліцы.
• Загадзя прыбярыце гаспадарчыя рэчы з двара і балконаў у дом (склеп).
• Машыну пастаўце ў гараж, пры адсутнасці гаража машыну варта паркаваць удалечыні ад дрэў, а таксама слаба ўмацаваных канструкцый.
• Знаходзячыся на вуліцы, абыходзіце хісткія будынкі і будынкі з няўстойлівым дахам.
• Пазбягайце дрэў і разнастайных збудаванняў павышанай рызыкі (мастоў, эстакад, трубаправодаў, ліній электраперадач).

Пры навальніцы:

У памяшканні:

• Адключыце электрапрыборы і выньце відэльцы з разетак.
• Зачыніце вокны і дзверы.
• Тэлефонам карыстайцеся толькі ў выпадку экстранай неабходнасці.
• Не прымайце душ ці ванну.
• Не стойце каля вокнаў і не набліжайцеся да металічных прадметаў.
• Заставайцеся ў памяшканні, пакуль навальніца не скончыцца.

На вуліцы:

• Неадкладна знайдзіце сховішча.
• Не хавайцеся пад адзінока стаячымі дрэвамі, слупамі, рэкламнымі шчытамі.
• Калі вы не можаце знайсці хованкі, прысядзьце на кукішкі, апусціце галаву і прыцісніцеся да зямлі.
• Зніміце з сябе металічныя ўпрыгожанні.
• Трымайцеся далей ад вадаёмаў, металічных агародж і іншых праводзячых матэрыялаў.
• Не купайцеся ў вадаёмах падчас навальніцы. Калі вы знаходзіцеся ў групе, разгрупуйцеся.
• Калі вы знаходзіцеся на ўзвышшы, спусціцеся ўніз.
• Калі вы падчас навальніцы едзеце ў аўтамабілі, спыніцеся і зачыніце вокны, заставайцеся ўнутры.

Пры моцным дажджы і градзе:

• Пры з'яўленні граду неадкладна шукайце сховішча.
• Не спрабуйце перайсці ці праехаць праз затопленыя ўчасткі дарог і тратуараў — глыбіня можа быць зманлівая
• Трымайцеся далей ад электраправодкі і не выкарыстоўвайце электрапрыборы ва ўмовах павышанай вільготнасці
• Па магчымасці накрыйце аўтамабілі.
• Імкніцеся не выходзіць на вуліцу без неабходнасці.