22.10.2025

Якімі вакцынамі можна прышчапіцца ў Асіповічах ад грыпу і COVID-19?

У раёне актыўна ідзе імунізацыя насельніцтва: супраць грыпу - вакцынай "Грыпол плюс" (трохвалентная, вытворчасць РФ, бясплатна), "Ваксігрып Тэтра" (чатырохвалентная, вытворчасць Францыі (толькі для работнікаў прадпрыемстваў, яе закупіўшых), каранавіруса — вакцынай "Канвасел" (вытворчасць РФ, бясплатна).

Абедзве інфекцыі ўяўляюць небяспеку для любога чалавека, але, перш за ўсё, дзяцей, людзей старэйшага ўзросту, цяжарных жанчын і асоб з хранічнымі захворваннямі.

Усе вакцыны супраць грыпу, якія прымяняюцца ў нашай краіне, з'яўляюцца інактываванымі, г.зн. не ўтрымліваюць жывых вірусаў. Імунітэт выпрацоўваецца праз два тыдні пасля вакцынацыі і захоўваецца 12 месяцаў.

Наяўныя супрацьгрыпозныя вакцыны можна выкарыстоўваць у дзяцей з шасцімесячнага ўзросту і далей без абмежавання, супраць COVID-19 - з 18 гадоў. Дапускаецца сумеснае (у адзін дзень) прымяненне вакцын супраць грыпу і каранавіруснай інфекцыі.

Медагляд і вакцынацыя дарослага насельніцтва праводзяцца ў кабінеце № 121 паліклінікі (з 08.30 да 14.00 (перапынак з 12.00-12.30) і з 15.00 да 19.00; у суботу з 08.00 да 13.00); дзіцячага - у педыятрычным аддзяленні (з 08.00 да 19.00; у суботу з 08.00 да 13.00).

Працуюць раз'язныя прышчэпачныя брыгады для вакцынацыі працуючых на прадпрыемствах, у сельскіх ФАП. Жыхары сельскай мясцовасці могуць прышчапіцца ў амбулаторыях урача агульнай практыкі. Асобам, якія па стане здароўя не могуць самастойна наведаць паліклініку, варта звяртацца па тэлефоне 27-779.

Ірына Байко, памочнік урача-эпідэміёлага райЦГЭ.