25.11.2025

Геворг Мелканян зацверджаны на пасадзе старшыні Асіповіцкага райвыканкама

Сёння на сесіі раённага Савета дэпутатаў было разгледжана пытанне "Аб зацвярджэнні на пасадзе старшыні Асіповіцкага райвыканкама Геворга Мелканяна".

Старшыня абласнога выканаўчага камітэта Анатоль Ісачанка прадставіў на пасадзе старшыні Асіповіцкага раённага выканаўчага камітэта Геворга Мелканяна:

- Геворг Гарнікавіч, 1989 года нараджэння, ураджэнец Рэспублікі Арменія. Аднак амаль усё жыццё пражыў у Рэспубліцы Беларусь.

У 2012 годзе скончыў Беларускую дзяржаўную сельскагаспадарчую акадэмію па спецыяльнасці "Меліярацыя і водная гаспадарка". У цяперашні час праходзіць перападрыхтоўку ў Акадэміі кіравання пры Прэзідэнце Рэспублікі Беларусь па спецыяльнасці "Дзяржаўнае і мясцовае кіраванне".

Працоўную дзейнасць пачаў у 2012 годзе інжынерам-гідратэхнікам на УП "Чачэрскім прадпрыемстве меліярацыйных сістэм" Гомельскай вобласці.

З 2014 па 2021 год займаў кіруючыя пасады, у тым ліку і дырэктара ў адкрытым акцыянерным таварыстве "Перасоўная механізаваная калона – 84 Водбуд" Бабруйскага раёна.

У ліпені 2021 года абраны старшынёй Бабруйскага раённага Савета дэпутатаў.

Мае вопыт работы старшынёй раённага выканаўчага камітэта. У сакавіку 2023 года прызначаны на пасаду старшыні Хоцімскага райвыканкама.

За час працы Мелканян Геворг Гарнiкавiч зарэкамендаваў сябе кампетэнтным кіраўніком і ўмелым арганізатарам, добрасумленна адносячымся да выканання ўскладзеных на яго службовых абавязкаў, здольным прымаць канкрэтныя рашэнні і браць на сябе адказнасць.

Яго адрозніваюць высокая працаздольнасць, патрабавальнасць да сябе і падначаленых, уменне бачыць перспектыву.

З улікам таго, што Геворг Гарнікавіч мае неабходны досвед працы ў сферы дзяржаўнага кіравання, было прынята рашэнне даверыць яму больш буйны раён. Мяркую, што яго прызначэнне на пасаду старшыні Асіповіцкага раённага выканаўчага камітэта будзе спрыяць дынамічнаму развіццю рэгіёна.

Геворг Мелканян выступіў са словамі падзякі за аказаны давер:

- Упэўнены, што наш раён будзе на слыху і будзе грымець сваімі поспехамі. Я прыкладу ўсе намаганні, якія ад мяне залежаць у гэтым напрамку.

Вядома, я вельмі спадзяюся на падтрымку калег, з якімі мне трэба будзе працаваць. Я знаёмы з Асіповіцкім раёнам не па чутках - бываў тут шматкроць, як па працы, так і ў асабістых паездках. Я ўпэўнены, што тут ёсць каманда, з якой можна дасягнуць сур'ёзных вынікаў. Не сумняваюся ў нашай плённай сумеснай рабоце.

Кіраўнік Прыдняпроўскага краю пажадаў Геворгу Гарнiкавiчу поспехаў на новай пасадзе, а таксама падзякаваў за добрасумленную працу Аляксандру Дубінчыку, які сёння пакінуў гэтую пасаду.

osipovichi-region.by