07.07.2025

Філіял "Асіповіцкі завод жалезабетонных канструкцый" ААТ "Дарбудмантажтрэст" адзначаны дыпломам I ступені XXII рэспубліканскага конкурсу "Лідары ў будаўніцтве Беларусі-2025"

У канцы чэрвеня былі падведзены вынікі XXII рэспубліканскага конкурсу "Лідары ў будаўніцтве Беларусі-2025". Філіял "Асіповіцкі завод жалезабетонных канструкцый" ААТ "Дарбудмантажтрэст адзначаны дыпломам I ступені.

Завод неаднаразова прызнаваўся лепшым у гэтым прэстыжным конкурсе. Так, у 2023 перамогу прадпрыемству прынеслі жалезабетонныя шпалы маркі Ш3-ДПГ 4х10. У гэтым годзе лідзіруючую пазіцыю занялі жалезабетонныя брусы стрэлачнага пераводу тыпу Р65 маркі 1/6, праект 2628. Што ж робіць гэты прадукт асаблівым і годным перамогі ў конкурсе, даведаліся ў начальніка аддзела тэхнічнага кантролю Аляксандра Касякова:

- Адным з моцных бакоў заяўленых брусоў з'яўляецца працяглы тэрмін службы - да 50 гадоў. Раней на Беларускай чыгунцы ў горачных стрэлачных пераводах 1/6 ужываліся толькі драўляныя брусы, якія патрабавалі частай замены. Жалезабетонныя брусы падоўжаць прызначаны рэсурс арыентыровачна ў дзесяць разоў.

Акрамя таго, яны з'яўляюцца імпартазамяшчальным прадуктам, які не мае аналагаў не толькі ў краіне, але і на знешніх рынках.

Заводам таксама распрацавана канструкцыя камплекту пераходных падшэвак, якая дазваляе ўжываць на новых жалезабетонных брусах стрэлачных пераводаў 1/6 стрэлкі, раней ужывальныя сумесна з драўлянымі брусамі. Гэтая прадукцыя таксама была сертыфікавана на адпаведнасць патрабаванням бяспекі інфраструктуры чыгуначнага транспарту.

Выраб брусоў арганізаваны на наяўнай тэхналагічнай лініі па вытворчасці шпал ААТ "Строммашына" (працуе з 2009 года) шляхам дадання ў тэхналагічны працэс сямі інвентарных сілавых металаформаў. Працэс максімальна механізаваны, кіраванне асноўнымі працэсамі фармоўкі, нацяжэння, распалубкі, рэзкі пляцей і штабеліравання ажыццяўляецца аператарамі з пультаў кіравання.

Заводам ужо выпушчана і адгружана падраздзяленням Беларускай чыгункі 117 камплектаў такіх брусоў. Гэтыя вырабы выкарыстоўваюць у сартавальных чыгуначных парках, забяспечваюць бяспеку і эфектыўнасць работы складаных транспартных вузлоў, што наўпрост уплывае на зніжэнне выдаткаў пры эксплуатацыі, хуткасць і бесперабойнасць грузаперавозак на ўсёй Беларускай чыгунцы.

osipovichi-region.by