05.11.2025

Акцыя "Кантралюем ціск – падаўжаем жыццё!" праходзіць у Асіповіцкім раёне

Інфармацыйна-адукацыйная акцыя па прафілактыцы хвароб сістэмы кровазвароту "Кантралюем ціск – падаўжаем жыцце!" прайшла на базе ААТ "Асіповіцкі завод аўтамабільных агрэгатаў" у рамках рэалізацыі дзяржаўнага прафілактычнага праекта "Здаровыя гарады і пасёлкі".

Урач-інтэрн УАЗ "Асіповіцкая ЦРБ" Кацярына Сядой памерала артэрыяльны ціск, унутрывочны ціск, індэкс масы цела, кансультавала па пытаннях прафілактыкі хвароб сістэмы кровазвароту, аналізавала вынікі ЭКГ, запоўненыя анкеты кожнага ўдзельніка.

Медыцынскія сёстры праводзілі вымярэнне абхопу таліі, вагі, даследаванне ЭКГ, арганізавалі анкетаванне па фактарах рызыкі неінфекцыйных захворванняў, распаўсюдзілі інфармацыйна-адукацыйны матэрыял па пытаннях прафілактыкі хвароб сістэмы кровазвароту, дыспансерызацыі і інш., а таксама вакцынавалі ўсіх жадаючых ад грыпу.

Інструктар-валеолаг УАЗ "Асіповіцкі райЦГЭ" Таццяна Перасыпкіна азнаёміла ўдзельнікаў з тэстам па распазнанні інсульту, сімптомамі інфаркту міякарда, правяла групавыя кансультавання» фактары рызыкі хвароб сістэмы кровазвароту", лекцыю па пытаннях вакцынацыі ад грыпу, распаўсюдзіла інфармацыйна-адукацыйны матэрыял па пытаннях прафілактыкі стрэсу, прынцыпам здаровага харчавання, карысці фізічных практыкаванняў і інш.

osipovichi-region.by